الدنيا ما ترحم

منهو اللي ما يرحم الدنيا و لا الناس ؟؟

منهو اللي ظلمنا ؟؟

الدنيا و لا الناس ؟؟

منهو اللي حقد علينا ؟؟

الناس و لا الدنيا ؟؟

منهو اللي فرقنا ؟

الناس و لا الدنيا ؟؟

أكثر من سؤال يدور في بالي و موب لاقيه لهم أجوبة ...

يا ترى بحصل الجواب عند منهو ؟؟

أحصله من عند الناس نفسهم و لا من الدنيا ؟؟

عجزت أفهم الدنيا ... و عجزت أفهم الناس ..

صرت ضايعة في وسطهم ..

ماني عارفة من أرضي و من سماي ...

صرت أجذب الدنيا و أقول الناس صح ..

و لكن أقول لا ..

الناس غلط و الدنيا صح ..

ما عرفت كيف أحسبها ..

هل الناس هم نفسهم ناس ..

يحبون بعض و طيبتهم مالية الدنيا و خيرهم مليان علينا و يعم في كل مكان .. و صدقهم تشمه من آخر دار لو هو ما وصل ؟؟

و لا هذي صفات الدنيا ؟؟

ما عرفت أصدق منهو ...

رجعت لديوان الشعراء و قريت كمن قصيدة يتكلم عن الدنيا ..

و في آخر المطاف لقيت الشاعر يقول ..

نعيب زماننا و العيب فينا ..

اللي فهمته من هذا إنه العيب في الناس ..

ما هو العيب في الدنيا ..

الدنيا ثابتة .. و الناس موب ثابتين ...

ليش يا عيال حواء و آدم ..

اختلط شركم مع طيبكم ؟؟

ليش ما عدتوا تفرقون من الصح و الغلط ؟؟

وين الصدق ؟؟

وين الوفاء ؟؟

وين الحب ؟؟؟ و الحنان ؟؟

هذا اللي ربي زرعه في قلوبكم ؟؟

و لا خليتوا الشيطان يمشيكم على هواه ؟؟

نصيحة يا عيال آدم و حواء ...

لا تخلون الشيطان يلعب بكم على هواه ..

و لا يغركم في مغريات الدنيا ..

تراه مغريات الآخرة أحسن منها ..

و فيها حسنات و درجات و مقامات عالية ..

من هذا كله في بالي سؤال ..

و عجزت ألاقي له جواب ..

يمكن ألاقي عندكم الجواب ..

ليش نكره ؟؟

ليش نحقد ؟؟

ليش نحب الإنتقام ؟؟

ليش الواحد إذا طاح في مصيبة فرحنا ؟

و كأنه العيد جانا ..

ليش ضاعت الرحمة في قلوبنا ؟؟

ليش مات الوفاء في داخلنا ؟؟

ليش الصدق أصبح سراب ؟؟

ليش الغدر صار منتشر في دنيانا ؟؟

ليش كلها هذي موجودة و مغروسة فينا ليش ؟؟

أكيد مو في الكل مغروس ..

لكن ليش موجودة في البعض ؟؟

هل هذي وراثة ورثوها من الآباء ؟؟

و لا هذي صفة مغروسة فيهم ؟؟

و لا هذا مرض معدي و العياذ بالله منه ؟؟

عجزت أفهم ...

و إن جيت عطيتهم نصيحة باعوك ..

و عن عطيتهم الشر أفرحوا و شالوك تاج عروسهم ..

معقول في ناس ما عندها ضمير ..

باعت ضميرها بأرخص الأثمان ..

لجل شيء ما يسوى ..

شيء يهدم حياة إنسان برئ ماله ذنب ..

و الله و الله ثم الله ..

لو الضمير و العمر و الحب ينباع ..

لكان بعته و قسمته على كل اللي باعوا ضميرهم و امتلأ الحقد في أقلوبهم ..

ساعتها رح يعرفون إن للحب ..

و العمر اللي ضاع ..

و الضمير اللي مات في أقلوبهم ..
إن غالي ..

و ماله بديل عن أي شيء رخيص ..

ماله أي قيمة في الحياة ..

درست و تعلمت في هذه الحياة أشياء كثيرة ..

منها الحزن ..

و منها الحب ..

و منها الحنان ..

و منها الغضب ..

و لكن و الله قلبي ما عرف الكره ..

صحيح إني أقول أكره فلانة أو فلان ..

و لكن و الله القلب ما عرف يكره ..

مجرد كلام كنت أقوله ..

و لكن الحب بقلبي كبير ..

سامحوا ..

حبوا بعضكم ..

لا تتركون الجشع و الطمع يعميكم ..

ترى في الأخير ماكو أحد رح يندم غيركم ..

و حرام تندم على شيء انته قادر على إنك تسويه ..

أغتنم الفرصة قبل فوات الأوان ..

أتمنى إنه يعجبكم ..

و لو إنه اشوي كلام خرابيش ..

و لكن أحياناً الخرابيش تجيب الفايدة ..